भट्टजीको याद-दलबहादुर रावल

            मैले ओम शान्तिमा जाँदा पहिलो पटक भेट भएको व्यक्ति गोपालदत्त भट्ट हुन् । मैले उनलाई आफू पनि यस संस्थामा सामेल हुन आएको बताएपछि उहाँले मलाई संस्थाका विषयमा ज्ञान दिनुभएको थियो । त्यसपछि २५, ३० वर्ष उहाँसँगको संगत रह्यो ।

मेरो व्यक्तिगत विचारमा उहाँ एक सज्जन मानिस हुनुहुन्थ्यो । उहाँले सबै जनासँग समान व्यवहार गर्नुहुन्थ्यो । उहाँ र लामो समय एकसाथ राजस्थानमा रहेको ओम शान्तिको मुख्यालय माउन्ट आबुमा गएका थियौं । एकाध पटक मात्र हाम्रो साथ छुट्यो होला तर प्रायः हामी साथसाथै राजस्थान गएका थियौं । म उहाँको पसलमा पनि समयसमयमा जाने गर्दथेँ । त्यहाँ हामी विभिन्न विषयमा छलफल गरिरहन्थ्यौं । उहाँकी श्रीमती माउन्ट आबु गएका बेला म पनि उहाँहरू सँगै राजस्थान गएका थियौं । 

केही वर्ष पहिले राजस्थानबाट फर्कने बेला उहाँको झोला हरायो । बरेलीमा झोला राखेँ भन्ने सोच्नुभएको रहेछ, तर उहाँको झोला त्यहीँ छुटेको रहेछ । हामी पलिया पुगेपछि मात्र गाडीबाट झोला निकाल्ने बेलामा उहाँको झोला नपाएपछि हामीले उहाँको झोला नपाएको थाहा पायौं । गाडीमा खोज्दा पनि नपाएपछि बरेलीमा छुटेको निश्चित भयो । यो एक दुःखद घटना थियो । 

वि.सं. २०७७ मा उहाँको आकस्मिक निधन हुँदा म पनि उहाँको घर गएर श्रद्धाञ्जली लिएको थिएँ । मेरा पुरा मित्रको यादले मलाई सताइरहन्छ । म उहाँप्रति हार्दिक श्रद्धाञ्जली व्यक्त गर्दछु ।

धनगढी, कैलाली